Proyeccion Economico 2021-2023

E efecto di e pandemia mundial COVID-19 pa aña 2020 tabata tin y ainda ta continua teniendo un impacto sin precedente riba e economia di nos isla Aruba.

Den 2020, turismo, inversion y consumo tabata esnan mas afecta, cual a conduci na un receso sin precedente di nos economia.

Pa loke ta trata e proyeccion hasi na mei dor di Departamento di Asunto Economico, Comercio y Industria pa e añanan 2021, 2022 y 2023 un tendencia positivo ta wordo premira tendiendo si na cuenta cu e crecementonan aki ainda lo ta bou di e nivel di 2019.

Den comparacion cu 2019, pa 2020 un bahada di 25.2 procent ta wordo premira pa loke ta e Gross Domestic Product (GDP) den termino nominal. Pa 2021 y 2022 ta premira un aumento di 5.1 procent den comparacion cu 2020 y un crecemento di 6.2 procent den comparacion cu 2021. E impulso principal den e crecemento espera den e añanan 2021 y 2022, ta debi na un subida di ingreso premira dor di turismo y pa 2022 un subida den inversion.

Por ultimo pa aña 2023 compara cu 2022 ta premira un crecemento di 10.8 procent pa loke ta e GDP den termino nominal, cual un biaha mas e impulso principal ta e crecemento continuo premira den ingreso di turismo, inversion y consumo.

Economic Outlook 2021-2023