Projeccionan di crecemento económico na Aruba pa 2020 y 2021

E efectonan di e pandemia mundial tin un impacto grandi riba nos economía den 2020 y lo sigui afecta nos den 2021. E grado di incertidumbre pa e impacto den 2021 ta hopi grandi lo cual ta haci e projeccionan pa 2021 hopi difícil. Asina mes Departamento di Asunto Eeconómico haciendo uso di e modelo MARUBA a traha un estimación pa e crecemento di nos Producto Interno Bruto (PIB)  pa 2020 y a projecta 3 scenario pa 2021 basa riba expectativanan den crecemento den turismo.

Estimacionan pa 2020 di nos economía  ta indica un reduccion di 32.7 % den nos PIB nominal den comparación cu 2019. E reducciona aki ta principlamente origina door di e efecto di e lockdown, shelter in place y consecuentemente e reducion den cantidad di turista cu a bishita nos isla den 2020. Additional, diferente inversionan cu tawata planea pa 2020 a haya retraso y a wordo posponi den 2020. Esaki tawatin efectonan riba nos consumo, exportación y importación.

Pa 2021 a scohe pa usa 3 scenarionan cual ta basa principalmente riba expectativanan di crecemento den turismo na 2021.  Den e scenarionan pa 2021 ainda ta tene cuenta cu un crecemento den inversionan lento debido na e incertidumbre rond di e situación di COVID-19 den mundo y na Aruba. E scenario conservador pa 2021 ta asumi un crecemento económico di 0.6 % den terminonan nominal, e scenario cauteloso optimista ta indica un crecemento di 5.6 %  y e scenario optimitico ta mustra un crecemento di 8.5 %. Esaki kiermen cu nos ta premira a base di informacionan disposible te cu november 2020 cu e crecemento económico den 2021 lo ta entre un 0.6 % y un 8.5 % compara cu 2020. Como base pa nos crecemento den 2021 nos lo keda usa e scenario di cauteloso optimista cu ta projecta un crecemento di 5.6 %.  Den e scenario  aki nos PIB nominal lo ta na un nivel di 73% die BIP di 2019. Consecuentemente e crecemento económico den 2021 ainda ta laga nos hopi bao di e nivelnan di 2019. Pa motibo di e rapidez cu cual e situacionan tanto den mundo como na Aruba ta cambia dia pa dia  a consecuencia di e pandemia, ta difícil pa haci projeccionan cu un nivel halto di certidumbre por lo cual e calculacionan di PIB pa 2021 lo por cambia. Departmento di Asunto  Economico lo keda monitoria e datonan den transcurso di 2021 pa asina adapta e cifranan riba base regular.

Final Economic Outlook 2020-2021 18DEC