Desaroyo di prijs: webo importa

A yega na conocemento di Departamento di Asuntonan Economico, Comercio y Industria (DEZHI) cu prijs di webo importa a subi considerablemente den supermercadonan local ultimo dianan. Esaki ta a consequencia di e desaroyonan internacional di e pandemia COVID-19. Webo importa ta un producto esencial procedente di e mercado Norte Americano. Den e ultimo luna Mercado Norte Americano a experiencia un aumento na demanda di webo mientras  cu e provision ta limita, cual a pone cu e prijsnan pa webo riba e mercado Norte Americano a te hasta triplifica.

Importadornan di webo a aserca DEZHI cu nan inquietud pa cu e desaroyo di prijs di webo riba mercado internacional. Pa cu esey DEZHI ta anuncia cu Segun articulo 3 di ‘Prijsregeling kippeneieren’ ta prohibi pa bende webo importa na un prijs pa mayorista y detayista pa dozijn basa riba e siguiente calculacion:

• Prijs pa mayorista:

Landed costs mas 13%.

• Prijs pa detayista:

Prijs pa mayorista mas 15%:

A base di esaki controladornan di DEZHI ta y lo sigi eherce control di prijs riba webo importa den supermercadonan  y tambe serca wholesalers.

Anuncio di prijs di webo