Controleteam multidisciplinario: 13 di september 2023

Riba 13 di september  2023 e Controleteam Multidisciplinario (controladornan di Departamento di Asuntonan Economico y Departamento di Salud publico, acompaña pa agentenan policial di KPA) a eherce un control riba supermercadonan den area di Santa Cruz. A controla diferente supermercadonan riba cumplimento cu e prijsnan maximo stipula pa gobierno riba productonan di canasta basico, indicacion di prijs, permiso di negoshi, venta di alcohol,  higiena, fecha di vencemento di productonan y carchi di salud. Na mes momento a atende cu supermercadonan riba imcumplimento cu e prijsnan maximo stipula pa gobierno y productonan cu nan fecha a vence.

Ta stipula prijsnan  maximo pa e siguiente productonan di canasta basico:

• Aros
• Azeta pa cushina
• Bonchi seco
• Broccoli frozen
• Cuminda pa baby
• Harina blanco
• Harina di maishi
• Havermout
• Koffie
• Lechi en polvo
• Lechi likido duradero
• Lechi likido pa koffie
• Mixed vegetables
• Salmon den bleki
• Sardine den bleki
• Spaghetti
• Spinashi frozen
• Te
• Tuna fish den bleki den awa

E lista completo di productonan di canasta basico cu nan prijs maximo vigente ta disponibel riba e website www.deaci.aw, y tambe riba e APP ‘Control di Prijs’. Pa mas informacion por bishita e website menciona pa keda informa di tur e publicacionnan di Departamento di Asuntonan Economico. Cualkier keho of irregularidad por contact Departamento di Asuntonan Economico na 5212400 of via email: [email protected].

Pa cualkier keho riba tereno di salubridad por contact Departamento di Salud Publico na 5224271 of via facebook page.

 

 

 

 

 

 

 

 

 

Scroll To Top