Controleteam multidisciplinario: 27 februari 2024

Riba 27 di februari 2024 Controleteam Multidisciplinario (controladornan di Departamento di Asuntonan Economico , acompaña pa agentenan policial di KPA) a eherce un control riba supermercadonan den area di Santa Cruz.

Durante e control rutinario a eherce control riba cumplimento cu:

• prijsnan maximo stipula pa gobierno riba productonan di canasta basico
• indicacion di prijs
• permiso di negoshi
• venta di alcohol
• higiena
• fecha di vencemento di productonan y carchi di salud.

Na mes momento a atende cu supermercadonan riba imcumplimento cu e prijsnan maximo stipula pa gobierno y productonan pa cual fecha a vence.

E lista completo di productonan di canasta basico cu nan prijs maximo vigente ta disponibel riba e website www.deaci.aw, y tambe riba e APP ‘Control di Prijs’.