Control multidisciplinario supermercado 11 di juni 2019

Riba 11 di juni 2019 controladornan di Departamento di Asuntonan Economico y Departamento di Salud publico a haci un control riba supermercadonan den area di Santa Cruz. A controla supermercadonan riba cumplimento cu e prijsnan maximo stipula pa gobierno riba productonan di canasta basico, permiso di negoshi, higiena, carchi berde pa trahador y tambe fecha di vencemento di productonan. Durante e control a sera un supermercado pa incumplimento y dos a ricibi aviso.

E lista completo di productonan di canasta basico cu nan prijs maximo vigente ta disponibel riba e website www.deaci.aw y tambe riba e App ‘Control di prijs’.  Cualkier keho of irregularidad por contact Departamento pa Asuntonan Economico na 5212400 of via email: [email protected].