aumento di prijs di webo importa

Yellow and Blue Illustrative School and Education Letterhead (1)

Ultimo simannan prijs di webo importa a aumenta debi na un aumento di prijs di webo riba mercado internacional.

Mayoria webo importa ta origina for di e mercado mericano. Ya pa algún siman e prijs di webo riba mercado mericano a conoce un aumento debi na un reducción den producción di webo, a causa di e virus HPAI (avian influenza) bow di galiñanan. Pa mantene e virus aki bow di control, productornan mester a deshaci di nan cria di galiña.

Pa es motibo controladornan di Departamento di Asuntonan Económico ta eherciendo extra control riba prijsnan di webo importa den tur supermercado. E prijs di webo importa por varia pa siman/luna.

Calculacion di prijs ta sosode a base di factura y gasto di transporte ricibi for di importadornan, mas un margen di mayorista/detayista di 13% y 15% respectivamente. Actualmente e prijs di webo importa por varia entre Awg.8,20-9,30 pa dozijn dependiendo di e grandura.

Nos kier recorda tur consumidor cu e webonan importa ta di color blanco. Esaki kiermen cu webo bruin no por wordo bendi na e prijs menciona aki. Webonan organico y jumbo no ta cay bou di control di prijs y por wordo bendi na prijs liber.

Controladornan di Departamento di Asuntonan Economico lo sigui cu un control rigoroso di e prijsnan di webo y otro productonan di canasta basico.