Controleteam multidisciplinario
Riba 29 di oktober ultimo e Controleteam Multidisciplinario a eherce un control riba supermercadonan den area di Noord. A controla supermercadonan riba cumplimento cu e prijsnan maximo stipula pa gobierno riba productonan di canasta basico, permiso di negoshi, higiena, fecha di vencemento di productonan y carchi di salud. A atende supermercadonan riba imcumplimento cu e prijsnan maximo stipula pa gobierno y na mes momento a corregi esaki.
E canasta basico ta contene e sigiente productonan: Aros, harinja di maishi, te, koffie, cuminda pa baby, azeta pa cushina, lechi en polvo, lechi likido pa koffie, boonchi corra seco, boonchi lima seco, boonchi preto seco, salmon den bleki, sardine den bleki, tunafish den bleki, spinashi frozen, mixed vegetables frozen y broccoli frozen.
E lista completo di productonan di canasta basico cu nan prijs maximo vigente ta disponibel riba e website www.deaci.aw. Pa mas informacion por bishita e website menciona pa keda informa di tur e publicacionnan di Departamento di Asuntonan Economico. Cualkier keho of irregularidad por contact Departamento di Asuntonan Economico na 5212400 of via email: [email protected]. Pa cualkier keho riba tereno di salubridad por contact Departamento di Salud Publico na 5224271 of via facebook page. Pa cualkier otro informacion of keho relata na e derecho di e consumido por contact Dienst Huur en Consumentenzaken na 5829914 of via email: [email protected]. Pa mas informacion tocante derecho di consumido por bishita e website www.dhc.aw.
Scroll To Top- Orario di negoshi pa Publico: 1 mei 2024 Dia di Obrero April 26, 2024
- Macuto di Compras: 25 april 2024 April 25, 2024
- Macuto di Compras: 16 april 2024 April 18, 2024
- Cambio Prijs Productonan Petrolero Entrante 10 di april 2024 April 16, 2024
- Macuto di Compras: 9 april 2024 April 9, 2024
- Controleteam multidisciplinario: 26 di maart 2024 April 8, 2024