Digitalizacion di Servicionan di Departamento di Asuntonan Economico ta continua
Ministro di Asunto Economico, Communicacion y Desaroyo Sostenibel conhuntamente cu Departamento di Asuntonan Economico, Comercio y Industria (DEZHI) tin e placer di anuncia digitalizacion di nos servicionan na comercio den forma di E-forms pa loke ta trata servicionan di peticion pa permiso di importacion di webo, orario di tienda y calculacion di prijsnan maximo.
E servicionan nobo cu awo ta digitaliza, y pa cual ta introduci mas E-Forms, lo ta disponibel entrante 1 di februari 2022 riba nos website www.deaci.aw/services/ den E-forms. E tres E-forms ta dirigi na comercio en general y ta cubri tres servicio separa di Departamento di Asuntonan Economico.
E prome E-form ta pa entrega un petición pa permiso pa importa webo, unda e comerciante ta haci un peticion pa e canidad di webo cu ta desea di importa, conforme e maneho di invoervergunning kippeneieren.
E di dos E-form lo facilita e solicitud di e comerciante pa calculacion di prijsnan maximo pa productonan di canasta basico.
Y e di tres E-form ta pa e comerciante haci su peticion pa orarionan di tienda pa convenience stores.
Pa por yega na e e-forms, subi riba nos website www.deaci.aw. Click riba e tab SERVICES, sigui pa E-FORMS y scohe e peticion desea.
Scroll To Top- maneho di orario di tienda pa Dia Asuncion: 9 mei 2024 May 8, 2024
- Cambio Prijs Productonan Petrolero Entrante 8 di mei 2024 May 8, 2024
- Macuto di Compras: 7 mei 2024 May 7, 2024
- Macuto di Compras: 30 april 2024 April 30, 2024
- Orario di negoshi pa Publico: 1 mei 2024 Dia di Obrero April 26, 2024
- Macuto di Compras: 25 april 2024 April 25, 2024