Controleteam multidisciplinario: Pariba di brug 27 di september 2023

Riba 27 di september 2023 e Controleteam Multidisciplinario (controladornan di Departamento di Asuntonan Economico y Departamento di Salud publico, acompaña pa agentenan policial di KPA) a eherce un control riba supermercadonan den area di di Sanicolas.

Durante e control rutinario a eherce control riba cumplimento cu:

• prijsnan maximo stipula pa gobierno riba productonan di canasta basico
• indicacion di prijs
• permiso di negoshi
• venta di alcohol
• higiena
• fecha di vencemento di productonan y carchi di salud

A constata cu algun supermercado no ta cumpli cu reglanan riba carchi di salud, higiena y productonan expired. Lo eherce un hercontrole.

E lista completo di productonan di canasta basico cu nan prijs maximo vigente ta disponibel riba e website www.deaci.aw, y tambe riba e APP ‘Control di Prijs’.

No lubida riba e  publicacion semanal di “Macuto di Compras’ cual ta observa y compara alrededor di 50 producto no-regula den supermercadonan den diferente districto. Macuto di Compras ta wordo publica riba nos website y tambe nos facebook page.

Cualkier keho of irregularidad por contact Departamento di Asuntonan Economico na 5212400 of via email: info@deaci.aw.

Pa cualkier keho riba tereno di salubridad por contact Departamento di Salud Publico na 5224271 of via facebook page.

 

 

 

 

 

 

 

 

 

Scroll To Top