Controleteam multidisciplinario
Riba 13 di november ultimo e Controleteam Multidisciplinario a eherce un control riba supermercadonan den area di San Nicolas. A controla supermercadonan riba cumplimento cu e prijsnan maximo stipula pa gobierno riba productonan di canasta basico, indicacion di prijs, permiso di negoshi, higiena, fecha di vencemento di productonan y carchi di salud. Durante control a cera un supermercado a base di incumplimento di higiena.
E maneho di indicacion di prijs ta obliga tur negoshi pa tin indicacion di prijs pa producto y/of servicio claramente visibel y legibel. Prijs por ta indica riba e producto of pa un grupo di producto riba shelf. E prijs mester ta indica den Florin Arubano. Adicional na esaki, por pone e equivalente den otro valuta.
E lista completo di productonan di canasta basico cu nan prijs maximo vigente ta disponibel riba e website www.deaci.aw. Pa mas informacion por bishita e website menciona pa keda informa di tur e publicacionnan di Departamento di Asuntonan Economico. Cualkier keho of irregularidad por contact Departamento di Asuntonan Economico na 5212400 of via email: info@deaci.aw. Pa cualkier keho riba tereno di salubridad por contact Departamento di Salud Publico na 5224271 of via facebook page. Pa cualkier otro informacion of keho relata na e derecho di e consumido por contact Dienst Huur en Consumentenzaken na 5829914 of via email: info@dhc.aw. Pa mas informacion tocante derecho di consumido por bishita e website http://www.dhc.aw/.
- Macuto di Compras: 5 december 2023 December 5, 2023
- Macuto di Compras: 27 november 2023 November 27, 2023
- Macuto di Compras: 20 november 2023 November 20, 2023
- Macuto di Compras: 11 november 2023 November 10, 2023
- Cambio Prijs Productonan Petrolero Entrante 8 di november 2023 November 8, 2023
- Macuto di Compras: 8 november 2023 November 8, 2023